الثلاثاء 19 يناير 2021 الموافق 06 جمادى الثانية 1442
رئيس مجلس الإدارة
أحمد عمر
رئيس التحرير
خالد ناجح

«الهلال اليوم» تنشر رباعيات شعر عامية.. «حبات اللؤلؤ (8)» للشاعر أحمد عثمان

السبت 28/نوفمبر/2020 - 05:14 م
الهلال اليوم
طباعة

تنشر "الهلال اليوم"، رباعيات شعر عامية للشاعر أحمد عثمان من كتاب "حبات الؤلؤ".


الإعاقة مش في إيدك *** أو في رجلك أو عينيك

الإعاقة جوه عقلك *** لو فشل راحت عليك


جي جي الاجه عملت دعوة *** للعيله وعموم الشعب

علشان نعرف إنها عزمت *** طنط نفيسه على كبده وقلب


كنزك ماهوش مالك *** ولا سلطة مش دايمة

ابحث في روح روحك *** على ميزتك الغالية


الفرق بين الرجولة *** والذكورة يا ناس

    أن الرجولة سند *** والتانية نوع وخلاص


فى ناس بتبحث لنا *** عن غلطة وتشير

مع أن فيهم العبر *** وإحنا اللي بنكبر


     ثقتك بنفسك أساس *** تبني عليه أمانيك

من غيرها اضعف هدف *** ح يبقى صعب عليك