الخميس 28 يناير 2021 الموافق 15 جمادى الثانية 1442
رئيس مجلس الإدارة
أحمد عمر
رئيس التحرير
خالد ناجح

بعد التنمر على بدلته.. إسلام إبراهيم: مهنة التمثيل بقت قاسية جدا

الخميس 03/ديسمبر/2020 - 12:28 ص
إسلام إبراهيم
إسلام إبراهيم
هدير عبدالله
طباعة
أبدى الفنان إسلام إبراهيم غضبه الشديد بعد تعرضه لحملة تنمر كبيرة على مواقع التواصل الاجتماعي بسبب البدلة التي ارتداها مساء اليوم الأربعاء في حفل افتتاح الدورة الـ42 لمهرجان القاهرة السينمائي الدولي، وكتب منشورا طويلا عبر حسابه الرسمي على فيسبوك: "مالها البدلة يا جماعة مش فاهم.. ولا عشان أنا اللي لابسها فمن حقك تشتم وتجرح حتى لو أنا لم أغلط في حاجة أو غلطت فيك.. اللبس ده حرية شخصية، البدلة كحلي في أبيض عادية جدا، أنا شايفها حلوة، ومازلت شايفها حلوة".

وتابع: "بجد مهنة التمثيل بقت قاسية جدا ومش أي حد يتحملها والتنمر اللي بيتعرض له الفنانين بقى لا يحتمل، ومحدش يقولي متردش أنت شخصية عامة.. أنا في الأول والأخر بني أدم.. وبرضوه مش هتقدروا تهزوا ثقتي في نفسي أو في ربنا".

واستطرد: "أكيد مش كل الناس مقصودة بالبوست بتاعي بفضل ربنا في ناس كتير بتحبني وبتحكم عليا من خلال فني اللي بقدمه وبس ربنا يخليكوا ليا ويكتر من أمثالكم".

يذكر أن إسلام إبراهيم تعرض لحملات تنمر من قبل بسبب البدل التي ارتداها في مهرجان الجونة السينمائي والتي تميزت بخروجها عن المألوف.